لمسات صغيره تخليكي ولا احلى

يالله يابنوتات المنتدى
لمساااااات بسيطه تخليك قمر حبيت اهديكم اياها

1) عند غسل الشعر بالشامبو اقلبى راسك لاسفل واقلبى شعرك للامام وادعكية بينشط الدورة الدموية للشعر وبالتالى يمنع سقوطة

2) زبدة الكاكاو لدهن كعوب القدم ( اللى بنستخدمها للشفايف ) بتخلى الكعوب تحفة ادهنيها بالليل والبسى شراب وشوفى النتيجة الصبح


3)وانتى على الكرسى وقاعدة قدام الكمبيوتر قومى واقعدى 5 دقايق بتتخلصى من الارداف والشحوم المتركزة فى هذة المنطقة


4) اغسلى وجهك بالصابونة واتركى الرغوة وضعى اربع نقاط معجون اسنان على الرغوة وادعكى وجهك وبعدين اشطفية حتنصدمى قومى جربى وارجعى ردى تفتيح انعاش لون وردى وحتلاقى البشرة بتتنفس


5) وانتى فى المصيف التراب الموجود تحت الماء على البحرخذى شوية منه وادعكى وجهك كل الخلايا الميتة حتروح من الاملاح
الموجودة فى التراب


6) للمعان الشعر قبل السشوار اشطفى شعرك اخر شطفة بالماء المضاف الية الشاى المغلى بعد تبريدة واتفرجى وادعيلى


7) دايما اشفطى بطنك للداخل كل ما تفتكرى .شهر وبطنك حتختفى احسن من اى تمرين الشفط بيقوى عضلات البطن حتى مع الحمل والولادة


وضع ماء الورد المخصص للشرب على ماء الشرب العادى بيورد كل بشرة الوجة والجسم وينظف الجسم ايضا من الداخل ودى وصفة الايرانيات هتلاقيهم بشرتهم تحفة من مية الورد


9) اخلطى كريم الاساس فى كف يدك مع كريم مرطب واقفلى اليد الاخرى واخلطيهم مع بعض وضعيهم على الوجة يمنع تكتل كريم الاساس وحيعطيكي لمعة تحفة ويمنعة من التشقق مع الوقت الطويل ولا اغلى ماركة


10) اغلى نصف فنجان ماء مع كركدية واخلطى المويه بعد الغلى مع فازلين وادهنى شفايفك كل يوم بالليل اسبوع شفايفك بتبقى وردى طبيعى لمدة شهر


11) تغيير نوع الشامبو كل اربع شهور لان شعرك بياخذ علية ولو بتحبى نفس النوع ابقى ارجعيلة بعد التغيرعادى بس غيرى وارجعى


12) ضعى طلاء الا ظافر فى الثلاجة قبل وضعة حينشف بسرعة وبينحط بسرعة ( من اسرارى)


13) عضتك نموسة او حبة فجاة وعندك خرجة بسرعة حطى عليها اى نوع من قطرة العين وادعيلى

14) خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مابتلبسى شراب ( من اسرارى )


15) مزيل الماكياج خلص استخدمى الزبادى لازالة الماكياج ومنة ماسك سريع هتتصدمى من النتيجة


16) قشر الرمان نشفية فى البلكونة كويس ودقية واطحنية بودرة وضعية تحت الابط لمدة اربع ايام رائحة العرق بتختفى شهر


يااااااااااااااااااااااارب تكونوا استفدتوا من المعلومات

مشكوووووووره حبيبتي ع النصائح

ان شاء الله بكره بسويها

مزيل الماكياج خلص استخدمى الزبادى لازالة الماكياج ومنة ماسك سريع هتتصدمى من النتيجة
<< ما ظنيت ابد

يسلمو على هالنصايح

.. مشكووووووووووووووووووووووووره على النصايح الروعه ..
انشاء الله في الوييك اند اجربها ..